当前位置:主页 > S艺生活 >崩坏!骑呢出局日本 吉祥物 Top10 >
崩坏!骑呢出局日本 吉祥物 Top10
发表日期:2020-07-07 22:16| 来源 :S艺生活| 点击数:700 次
讲起日本 吉祥物 ,好多人都即刻谂到熊本熊,不过已经上哂神檯的熊本熊又点会参加比赛,仲讲明要「让俾其他 吉祥物 」拎冠军,非常大口气(其实熊本熊一早就俾人「炖冬菇」,无以前咁威威啦)!日本各地每年都会派出自家设计的地区 吉祥物 参加世界吉祥物选举,上年(2014年)首3位的群马仔、小深、蜜柑仔都是以萌样取胜,眼仔碌碌又肥嘟嘟,令人见到都忍不住大叫「kawaii」!

唔讲唔知,原来每年世界吉祥物选举的参加人数(吉祥物数?)都过千,虽然大部份都是卖萌为主,但当中有少部份骑呢到无谱,就以北海道留萌市为例,这个小小城市就已经有八只吉祥物,包括增毛町、小平町、羽幌町等八个地点各有一只,有传城市的发展局为了节省开支,就将八只吉祥物合体为一,还很认真地製作一条合体影片及几条介绍影片,问你死未!

崩坏!骑呢出局日本 吉祥物 Top10

单看去年参赛吉祥物(ゆるキャラ®グランプリ2014 ランキング一覧)已经有上千只,有人就话因为小县市资金不足所以乱设计,亦有人话见摆明无奖拎索性搞乱档,事实就无从考究,唯有当笑料睇完就算!现在就跟大家一起巡视十只最骑呢、最可能乌纱不保的日本吉祥物。

崩坏!骑呢出局日本 吉祥物 Top10
2014年便有1699只吉祥物参赛,你边有可能记得晒佢哋!
1. 来自香港的煎蛋哥崩坏!骑呢出局日本 吉祥物 Top10
东京都代表ナン子・リー,以一身李小龙造型杀入日本,宣传功夫电影,自我介绍中更声称来自香港。不过煎蛋哥头顶的煎蛋造型相当出事,加上身型肥大,点睇都唔似识耍功夫喎!
2. 反白眼红蟹崩坏!骑呢出局日本 吉祥物 Top10
好好地一只蟹,设计到似足反白眼死蟹。虽然官方介绍话かに丸くん的大眼睛同大蟹拑象徵威猛,表示蟹兄的活力,但效果似乎不太明显,仲有边个敢话大眼就一定可爱!
3. 金鱼眼黑面神崩坏!骑呢出局日本 吉祥物 Top10
だるだる意思是疲倦或精神萎靡,不过单靠它的外貌完全感受不到,反而黑面造型,配上无神金鱼眼及恐怖利牙,似足会捉走小朋友的地狱使者。望多两望,高筒白袜造型实在难明,果然艺术呢样嘢……
4. 灰过太空灰娃娃崩坏!骑呢出局日本 吉祥物 Top10
さらまんサンたろう以组合形式出场,三位声称是超过100岁的「小朋友」,全灰阔衫造型睇落似石屎地面,去瞓街都算有保护色,莫非设计者都咁谂?
5. 纸扎吉祥物崩坏!骑呢出局日本 吉祥物 Top10
纸扎品通常在清明节才出现,但纸扎ブレーメン就于万圣节在爱知县蒲头,设计者话狗、猫、驴、鸡都是魔界生物,所以将4种动物合为一体,变成究极进化版本!只不过吉祥物经常要出席活动,用纸製咪好易整烂?
6. 囧样清洁布登场崩坏!骑呢出局日本 吉祥物 Top10
讲真,ねじりほんにょ的卡通样其实都算得意,以稻穀作外衣,绝对够料卖萌。只不过实体版出场,吉祥物就即时变成一块用到霉霉地的清洁布,稻穀似地拖,加埋呆到爆的囧样表情,吸引度大减!

更多日本资讯:鹿儿岛之南 ‧ 慢游乡郊屋久岛

7. 吶喊石头人崩坏!骑呢出局日本 吉祥物 Top10
人面石くん是从长崎县废墟中发掘出来的石头,四肢直接由灰白色的面长出,不过个样点睇都似名画「吶喊」的主角,到底有无涉及「参考」成分呢?
8. 无沖凉流浪犬崩坏!骑呢出局日本 吉祥物 Top10
ドンファン是一只拥有人类灵魂的狗,不过呢只狗似乎唔太喜欢卫生,厚重的毛髮痴到一束束,离远见到都觉得污漕,加上造型设计普通,令人完全无兴趣!
9. 六手钻地象崩坏!骑呢出局日本 吉祥物 Top10
中国有千手观音,爱知县有6手神象かりお!这只万能象可以用时运用6只手工作,而象鼻就用钻头取代,无论想钻地、钻螺丝都无问题,似代表维修行业多过爱知县!
10. 碰啊!3筒猪崩坏!骑呢出局日本 吉祥物 Top10
第一眼望见てらこぶた的头都几可爱,不过再望埋个身,突然有种非常亲切的感觉。无错……就是中国国粹—麻雀,又或者是骰仔「三点」!仲有咩好讲,开檯打3筒猪……啊,唔係,打麻雀啦!
超萌吉祥物 2014冠军级人马!

崩坏吉祥物只是个别例子,其实日本大部份的吉祥物都是走可爱路线,绝对比上述的10位吸引得多,结尾之际同大家回顾一下2014年的日本吉祥物三甲,平衡返被惊吓的心情啦!

崩坏!骑呢出局日本 吉祥物 Top10
来自群马县的群马仔ぐんまちゃん已经面世20年,上年以100多万票得到全国冠军,大幅抛离亚军20万票,非常架势!
崩坏!骑呢出局日本 吉祥物 Top10
小深ふっかちゃん力Sell埼玉县出产的深谷葱,睇睇头顶的两条似足鹿角的葱,已经迷到不少日本人啦!
崩坏!骑呢出局日本 吉祥物 Top10
最后一名是蜜柑仔みきゃん,以爽朗活泼的形象抢任蜜柑代言人,游客见到又点会无帮衬!

其实在日本坊间,依然有不少人十分锺情熊本熊Kumamon,民望甚高,但熊本熊却没有追求功名利禄的心,所以去年没有参加这个吉祥物界大赛,拱手让出冠军宝座。

崩坏!骑呢出局日本 吉祥物 Top10

 

更多日本资讯:【东京】成田廉航专用第三航厦攻略

2015 必到!东京原宿 潮食新 Mall

相关推荐